बाबुरामले भने–सुशीलको नेतृत्वमा जेठ १५ मा संविधान

रुपन्देही स् एमाओवादीका वरिष्ठ नेता एवम् पूर्व प्रधानमन्त्री बावुराम भट्टराईले प्रधानमन्त्री सुशील कोइरालाको नेतृत्वमा गणतन्त्र दिवसका दिन जेठ १५ गते नयाँ संविधान जारी गर्ने प्रस्ताव अघिसारेका छन् ।
क्रान्तिकारी पत्रकार संघले शनिबार बुटवलमा गरेको पत्रकार सम्मेलनमा भट्टराईले उक्त प्रस्ताव राखेका हुन् । अहिलेको गतिरोधको मुख्य कारण संघीयता, शासकीय स्व?प र निर्वाचन प्रणाली रहेको उनको भनाइ छ ।
यी विषयमा सत्तापक्ष कांग्रेस र एमाले एवम् विपक्षी गठवन्धन एमाओवादी, जनजाति र तराई मधेसवादी शक्ति एक ठाउँमा बसेर सहमतिको विन्दु खोज्नुपर्ने उनको भनाइ छ ।
‘अहिले परम्परावादी लोकतन्त्र र सुधारिएको समावेशी नयाँ लोकतन्त्रको द्वन्द्वमा दलह? अल्मलिएका छन्’, उनले भने, ‘दुई पक्षवीच वार्ता र संवादबाट मध्यमार्गी मोडलमा सहमति कायम गरौं ।’
सत्तापक्ष र विपक्षको जित जित हुने सहमति बनाई नयाँ संविधान जारी गरौं भन्ने प्रधानमन्त्रीको धारणाको सम्मान गर्दै आफूह? अधिकतम लचिलो भएको भट्टराईले बताए । प्रधानमन्त्री कोइराला आफ्नो नेतृत्वमा संविधान जारी गरी पार्टीको दशौं महाधिवेशनमा जानु लाभदायक हुने उनको सुझाव छ । 
संघीयतामा बहुपहिचान, निर्वाचन प्रणालीमा समानुपातिक र प्रत्यक्ष निर्वा्चित आधा आधा गर्ने र शासकीय स्व?पमा प्रत्यक्ष निर्वा्चित राष्ट्र प्रमुखको प्रणालीमा लचिलो भई सहमति गर्न सकिने नयाँ सहमतिको आधारविन्दुबारे पनि भट्टराईले खुलासा गरेका छन् ।
पहिलो संविधानसभा र विगतमा संसदवादी सातदल र नेकपा माओवादीबीचका सबै सहमति र सम्झौतामा जातीय र सांस्कृतिक पहिचानको विषयमा एकमतले सहमति भएकाले यसको कार्यान्वयन गर्नुपर्ने पक्षमा आफ्नो जोड भएको उनको भनाइ छ ।
भट्टराई चैत २४, २५ र २६ को आमहड्तालको तयारीको क्रममा बुटवल र भैरहवामा कार्यकर्तालाई प्रशिक्षण कार्यक्रममा व्यस्त छन् ।